ലാലേട്ടൻ "തുടരും"

 വണ്ടിപ്രാന്ത് കാരണം ബെൻസ് എന്ന് വിളിപ്പേരുള്ള ഷണ്മുഖം ഒരു ടാക്സി ഡ്രൈവറാണ്. അയാൾ ഓടിക്കുന്നത് പഴയ മോഡൽ ഉള്ളൊരു കറുത്ത അംബാസിഡർ കാറാണ്.

പണ്ട് ചെന്നൈയിൽ സ്റ്റണ്ട് പടങ്ങളിൽ ഡ്യൂപ് ആയിട്ട് ജോലി ചെയ്തിരുന്ന ഷണ്മുഖം അവിടെ ഉണ്ടായ ഒരു അപകടത്തെ തുടർന്ന് ആ ജോലി ഉപേക്ഷിച്ചു കേരളത്തിലേക്ക് പോരുകയായിരുന്നു.

അന്ന് അയാൾക്ക് അയാളുടെ ആശാൻ സമ്മാനമായി നൽകിയതാണ് ആ കാർ. നാട്ടിൽ ഭാര്യയുയും മകനും മകളും അടങ്ങുന്നതാണ് ബെൻസിന്റെ കുടുംബം.

അങ്ങനെ ഇരിക്കെ ഒരു അബദ്ധം സംഭവിച്ചു അയാളുടെ കാർ പോലീസ് പിടിച്ചു വയ്ക്കുന്നു. സ്റ്റേഷനിൽ ചെന്ന് ഒന്ന് സോപ്പ് ഇട്ടാൽ വിട്ടു കിട്ടാവുന്ന കേസ് മാത്രമേ ഉണ്ടായിരുന്നുള്ളു.

പക്ഷേ ബെൻസ് ഇത്തിരി ഓവർ ആയതുകൊണ്ട് പോലീസ് കാർ വിട്ടു കൊടുക്കുന്നില്ല..

എന്നാൽ നമ്മൾ അതുവരെ കണ്ടത് ആയിരുന്നില്ല ഉണ്ടായ സംഭവങ്ങളും, നമ്മൾ കണ്ട ബെൻസും ആയിരുന്നില്ല ശരിക്കുള്ള ബെൻസ്.

ആനകൾ കൂട്ടമായി ജീവിക്കുമ്പോൾ വളരെ സമാധാനത്തിൽ ജീവിക്കുന്ന ജീവിയാണ്. പക്ഷേ ആ കൂട്ടത്തിൽ നിന്ന് ചില ആനകൾ പുറത്താകും, ഒറ്റയാൻ എന്ന് വിളിപ്പേരുള്ള അവയോളം അപകരിയായ മറ്റൊരു ജീവിയും ഈ ഭൂമിയിൽ ഉണ്ടാവില്ല..

അത്തരത്തിൽ ഒരു ഒറ്റയാൻ കാടിറങ്ങിയ കഥയാണ്, 2025 ൽ റിലീസ് ആയ 

"തുടരും"

ഈ സിനിമ കാണാത്ത ആളുകൾ കുറവായിരിക്കും, എന്നിരുന്നാലും ഇനിയും ആരെങ്കിലും ഉണ്ടെങ്കിൽ ഒന്ന് കണ്ടുനോക്കുക, മോഹൻലാൽ എന്ന അതുല്യ നടന്റെ മികവാർന്ന കുറച്ചധികം നിമിഷങ്ങൾ നമ്മൾക്ക് കാണാം...

ഇന്ന് OTT ഇറങ്ങിയിട്ടുണ്ട്, ജിയോ ഹോട്ട്സ്റ്റാർ വഴി കാണാവുന്നതാണ്...

"When elephant walks, the forest walks with them...."