അങ്ങ് വൈകുന്ഠപുരത്തു

 വർഷം 1995 വാൽമീകി തന്റെ സ്കൂട്ടറിൽ രാത്രിയിൽ തിടുക്കപ്പെട്ടു ആശുപത്രിയിലേക്ക് പോകുകയാണ്. അവിടെ അയാളുടെ ഭാര്യയുടെ പ്രസവം അടുക്കാറായിട്ടുണ്ട്, അതിന്റെ എല്ലാ പരിഭ്രമവും അയാളുടെ മുഖത്തുണ്ട്.

ആശുപത്രിയിൽ ചെന്ന് തന്റെ സ്കൂട്ടർ പാർക്ക് ചെയ്യുമ്പോൾ അതിന് തൊട്ട് അപ്പുറത്തായി ഒരു ആഡംബര കാർ കിടക്കുന്നത് അയാൾ ശ്രദ്ധിക്കുന്നുണ്ട്. അത് അയാൾ ജോലി ചെയ്യുന്ന സ്ഥാപനത്തിന്റെ മുതലാളിയുടെ വാഹനമാണെന്ന് അയാൾക്ക് മനസിലായി.

വാല്മീകിയും രാമചന്ദ്രനും ഒരുമിച്ചാണ് ആ സ്ഥാപനത്തിൽ ക്ലാർക്കുമാർ ആയി ജോലിക്ക് കയറിയത്. എന്നാൽ രാമചന്ദ്രൻ മുതലാളിയുടെ മകളുമായി പ്രണയത്തിൽ ആകുകയും അവരെ വിവാഹം കഴിക്കുകയും ചെയ്തു.

അതുവഴി അയാൾ വാലിമീകിയുടെ ബോസ്സ് ആയി മാറിയിരുന്നു. അവിടെ രാമചന്ദ്രന്റെ ഭാര്യയെയും പ്രസവത്തിനു അഡ്മിറ്റ് ആക്കിയിട്ട് ഉണ്ടായിരുന്നു.

രണ്ട് പേർക്കും അല്പ സമയം കഴിഞ്ഞപ്പോൾ ആൺകുഞ്ഞ് ജനിക്കുന്നു. എന്നാൽ വാലിമീകിക്ക് പെട്ടന്ന് ഒരു തന്ത്രം തോന്നുന്നു.

അയാൾ കുറച്ചു സൂത്രപ്പണികൾ ഒപ്പിച്ചു തന്റെ കുഞ്ഞിനെ മുതലാളിയുടെ കുഞ്ഞിന്റെ സ്ഥാനത്ത് കൊണ്ട് വയ്ക്കുന്നു. എന്നിട്ട് മുതലാളിയുടെ കുഞ്ഞിനെ തന്റെ ഭാര്യയുടെ അടുത്തും. തന്റെ മകൻ അവിടെ ഒരു രാജകുമാരനായി വളരുമല്ലോ എന്നതാണ് അയാളുടെ ലക്ഷ്യം.

രണ്ട് കുട്ടികളും വളരുന്നു, തന്റെ മകൻ വളരുന്നത് കാണാൻ അയാൾ എന്നും മുതലാളിയുടെ വീട്ടിൽ പോകുമായിരുന്നു. എന്നാൽ അയാളുടെ വീട്ടിൽ വളരുന്ന കുഞ്ഞിനോട് എന്നും അയാൾക്ക് ദേഷ്യവും വെറുപ്പും ആയിരുന്നു.

നന്നായി പഠിക്കുന്ന അവനെ അയാൾ വെറുതെ വഴക്ക് പറയുകയും പഠിക്കാൻ ഏറ്റവും മോശം സാഹചര്യങ്ങൾ മാത്രം നൽകുകയും ചെയ്യുമായിരുന്നു.

അല്ലു അർജുൻ നായകനായി 2020 ൽ പുറത്തിറങ്ങിയ "അങ്ങ് വൈകുണ്ടപുരത്തു" എന്ന സിനിമയുടെ തുടക്കം ഇങ്ങനെയാണ്.

ഒരുപക്ഷെ അല്ലുവിനെ ഏറ്റവും മനോഹരമായി കണ്ട സിനിമയും ഇതായിരിക്കും. സ്റ്റണ്ട് ഒക്കെ ഗ്രാവിറ്റി വിട്ടിട്ടുള്ള കളിയാണെങ്കിലും കണ്ടിരിക്കാൻ നല്ല രസമാണ്.

തുടർന്ന് അങ്ങോട്ട് ജീവിക്കാൻ വേണ്ടിയുള്ള അല്ലുവിന്റെ കഷ്ടപ്പാടുകളും, എന്തുകൊണ്ടാണ് വാല്മീകി ക്ലാർക്ക് ആയി നിന്ന് പോയതും രാമചന്ദ്രന് ഉയർച്ച ഉണ്ടായതെന്നും അയാൾക്ക് ബോധ്യപ്പെടുന്നയിടത്തു കഥ അവസാനിക്കുന്നു.

നല്ല ഒരു അല്ലു അർജുൻ ഫീൽ ഗുഡ് സിനിമയാണ്, അല്ലു - പൂജാ ഹെഗ്‌ഡെ ജോടികളെ കണ്ടിരിക്കാനും നല്ല രസമാണ്.