സൂപ്പർ ഹീറോ പടങ്ങളിലെ ലോജിക്

 സൂപ്പർഹീറോ ഫാന്റസി പടങ്ങൾക്ക് ലോജിക്ക് ഇല്ലാന്ന് പലരും പറയുന്നത് കണ്ടിട്ടുണ്ട്. എന്നാൽ അങ്ങനെയല്ല, ആ പടത്തിൽ കാണിക്കുന്ന കാര്യങ്ങൾക്ക് തീർച്ചയായും ലോജിക് ഉണ്ടാവണം,

ആ ലോജിക് എന്നത് ആ സിനിമ നടക്കുന്ന ലോകത്തിലെ ആയിരിക്കും, എട്ടുകാലി കടിച്ചാൽ സ്‌പൈഡർമാൻ ആകുമോ, അതാണോ ലോജിക് എന്നൊക്കെ ചോദിക്കുന്നത് കണ്ടിട്ടുണ്ട് 

 ഒരു സിനിമയിൽ ഒരാൾ ഒരു ജ്യൂസ്‌ കുടിച്ചപ്പോൾ എട്ടുകാലിയുടെ ശക്തി കിട്ടി എന്ന് പറഞ്ഞാൽ, അതിന് ലോജിക് ഉണ്ടോ, ഇല്ലാ.

ലോജിക് വരണം എന്നുണ്ടെങ്കിൽ ആ ജ്യൂസ്‌ എന്താണ് എന്നുള്ളത് ശാസ്ത്രീയമായി വിശ്വാസം തോന്നുന്ന രീതിയിൽ വിശദീരീകരിച്ചാൽ മതി.

ഒരു സുപ്രഭാതത്തിൽ ഒരാൾക്ക് എട്ടുകാലിയുടെ ശക്തി കിട്ടിയെന്ന് പറഞ്ഞാലും ലോജിക് ഇല്ലാ, എന്നാൽ spiderman സിനിമയിൽ അല്ലെങ്കിൽ കഥകളിൽ ശാസ്ത്രജ്ഞന്മാർ ജനറ്റിക് പരീക്ഷണങ്ങൾ നടത്തിയ മ്യൂറ്റേഷൻ സംഭവിച്ച ചിലന്തിയാണ് പീറ്റർ പാർക്കറേ കടിക്കുന്നത്, അതിന്റെ ഫലമായി അയാളുടെ DNA ചിലന്തിയുടെ DNA ആയി കൂടി ചേരുന്നു.

അതുവഴി അയാൾക്ക് ചിലന്തിയുടെ പല ശേഷികളും ലഭിക്കുന്നു, ഒരു ചിലന്തിയുടെ നൂലിന് ഒരു പെൻസിലിന്റെ അത്രയും കട്ടി ഉണ്ടെങ്കിൽ അതിന് ഒരു ബോയിങ് 747 വിമാനത്തെ തടഞ്ഞു നിർത്താനുള്ള അത്രയും കരുത്തു ഉണ്ടാവും.

ഒരാളുടെ വലുപ്പത്തിൽ ചിലന്തി ഉണ്ടായാൽ എന്താണോ സംഭവിക്കുക അതാണ് spiderman. ഇത് ശരിക്കും സംഭവിക്കുമോ എന്ന് ചോദിച്ചാൽ ഒരിക്കലുമില്ല, എന്നാൽ ഇത്രയും ശാസ്ത്രീയമായി കാണിച്ചു നമ്മളെ ബോധ്യപ്പെടുത്താൻ കഴിയുമ്പോളാണ് ലോജിക് ഉണ്ടാവുന്നത്.

Spiderman ശാസ്ത്രീയമായി നിർമ്മിക്കപ്പെട്ട കഥാപാത്രമാണ്, എന്നാൽ മാജിക്‌ അല്ലെങ്കിൽ മന്ത്രം തുടങ്ങിയ കാര്യങ്ങൾ ആസ്പതമാക്കി സിനിമകൾ വരുമ്പോഴാണ് ശരിക്കും ലോജിക് കല്ലുകടി ആകുന്നത്.

ഉദാഹരണം പറഞ്ഞാൽ, സൂര്യയുടെ മാസ്സ് എന്ന സിനിമയിൽ തുടക്കത്തിൽ ആത്മാക്കളെ കാണിക്കുമ്പോൾ അവർക്ക് ഭൂമിയിൽ ഉള്ള ഒരു വസ്തുവിനെയും സ്പർശിക്കാൻ കഴിയില്ല എന്നാണ് നമ്മളെ കാണിക്കുന്നത്.

എന്നാൽ കഥ ഇന്റർവെൽ അടുക്കാറാകുമ്പോൾ സൂര്യ ആത്മാക്കളെ ഉപയോഗിച്ച് മറ്റുള്ളവരെ പേടിപ്പിക്കുന്നത് കഥയിൽ വരുന്നുണ്ട്, അപ്പോൾ ആത്മാക്കൾ പലതിലും സ്പർശിക്കുന്നുണ്ട്, അവിടെ ആ കഥയുടെ ലോജിക് പൊട്ടി.

അല്ലെങ്കിൽ അതിന് കൃത്യമായി ഒരു വിശദീകരണം നൽകണമായിരുന്നു. വലിയ സംഭവം ഒന്നും വേണ്ട വല്ല അമാവാസി ദിനത്തിൽ പറ്റുമെന്നോ അല്ലെങ്കിൽ എന്തെങ്കിലും മന്ത്രം ചെയ്താൽ പറ്റുമെന്നോ ഒക്കെ മതി.

മിക്കവാറും ഇന്ത്യൻ ഹൊറർ സിനിമകളിൽ ഇതേ പ്രശ്നം ഉള്ളതായി കാണാം. അവർ കാണിക്കുന്ന ഫാന്റസി ലോകത്ത് എന്തൊക്കെ ചെയ്യാൻ പറ്റും അത് എങ്ങനെയാണ് അതുപോലെ എന്തൊക്കെ പറ്റില്ല എന്നുള്ള കാര്യങ്ങൾ define ചെയ്യാതെ വരുമ്പോഴാണ് ലോജിക് പോകുന്നത്.

വീണ്ടും ഉദാഹരണം പറഞ്ഞാൽ, MCU ഹിറ്റ്‌ സിനിമയായ Avenger's Infinity War ൽ താനോസ് 6 ഇൻഫിനിറ്റി സ്റ്റോൺസ് എന്ന മന്ത്രക്കല്ലുകൾ ഉപയോഗിച്ച് ലോകത്തിലെ പകുതി ആളുകളെ ഇല്ലാതെ ആക്കുന്നുണ്ട്,

പലരും ഇതിന്റെ ലോജിക് ഒന്നും നോക്കിയിട്ടില്ല എന്നാണ് തോന്നുന്നത് എന്നാൽ എന്തുകൊണ്ട് ആറ് കല്ലുകൾ അവ ഉപയോഗിച്ച് എങ്ങനെയാണ് ഇത് ചെയ്യുന്നത്, അല്ലെങ്കിൽ എന്ത് ചെയ്യാൻ പറ്റില്ല എന്നെല്ലാം കൃത്യമായി അവർ സെറ്റ് ചെയ്തിട്ടുണ്ട്.

ഇനി അവർക്ക് പറ്റാത്ത കേസ് ആണെങ്കിൽ കൂടി ക്വാണ്ടോം ഫിസിക്സ്‌ അല്ലെങ്കിൽ ആട്ടോമിക് കൂട്ടി എന്തെങ്കിലും സയൻസ് തിയറി വരെ ഉണ്ടാക്കി നമ്മളെ കോൺവീൻസ് ആക്കും.

ഇന്ത്യൻ സിനിമകളിൽ സൂപ്പർഹീറോ ആയാലും പ്രേതമായാലും അതിന് എന്തൊക്കെ ശക്തികളുണ്ട് എന്തൊക്കെ പറ്റും പറ്റില്ല എന്നതിന് ലോജിക് കൊടുക്കാറില്ല മിക്കവാറും.

മന്ത്രവാദം ആണെങ്കിൽ പിന്നെ പറയുകയേ വേണ്ട കുറെ മന്ത്രങ്ങളും നിറമുള്ള പ്രകാശങ്ങളും തമ്മിൽ എറിഞ്ഞു കളിക്കുന്ന കുറെ രംഗങ്ങൾ കാണാം.

ഫാന്റസി ആണെങ്കിലും സയൻസ് ഫിക്ഷൻ ആണെങ്കിലും പക്കാ ലോജിക് പരമായി സിനിമ എടുക്കാൻ കഴിയും, അതിന്റെ ലോകത്തിലെ തന്നെ ഏറ്റവും വലിയ ഉസ്താദ് ആണ് ക്രിസ്റ്റോഫർ നോളൻ. അദ്ദേഹത്തിന്റെ സൂപ്പർഹീറോ സിനിമകളായ Dark Knight Trilogy ആയാലും Interstellar ആയാലും ഇജ്ജാതി ലോജിക് ആണ് അതിൽ മുഴുവൻ. ഒരു ശാസ്ത്രജ്ഞൻ സംവിധാനം ചെയ്താൽ എങ്ങനെ ഉണ്ടാവുമോ അതാണ് നോളന്റെ സിനിമകൾ.

ഈ വിഷയത്തിൽ ഇനിയും എഴുതാൻ ഉണ്ട്, പ്രതികരണം നോക്കിയിട്ട് ബാക്കി...