സിനിമയിലെ മെഷീൻ ഗൺ സീനുകൾ

 

ഒരേപോലത്തെ മൂന്ന് സീനുകൾ ഇതിൽ രണ്ടെണം തമ്മിൽ സാമ്യമുണ്ട് പക്ഷേ അതിൽ ഒരെണ്ണം കോമഡി ആയിപ്പോയി.

കൈതിയിൽ ദില്ലി എന്ന കഥാപാത്രം ആദ്യമായിട്ടാണ് അത്തരത്തിൽ ഒരു മെഷീൻ ഗൺ എടുത്തു ഉപയോഗിക്കുന്നത്, ഏതാണ്ട് 30-40 കിലോ ഭാരമുള്ള അത് എടുത്തു പുള്ളി നിറ ഒഴിക്കുന്നത് തന്നെ ഏറെ പ്രയാസപ്പെട്ടാണ്.

അതിന്റെ തന്നെ ഒരു ഭാഗം മറ്റേ കോൺസ്റ്റബിൾ ആണ് പിടിച്ചിരിക്കുന്നത്. സാമാന്യ ആരോഗ്യമുള്ള ഒരു മനുഷ്യൻ കഷ്ടപ്പെട്ട് അത്രയും ഭാരമുള്ള ഒരു വസ്തു എടുത്ത് പെരുമാറുന്നത് കൃത്യമായി ആ സീനിൽ നമ്മൾക്ക് മനസിലാകും.

അടുത്തത് അതേ ഐറ്റം അജയ് ദേവ്ഗൻ വളരെ കൂൾ ആയിട്ട് ഒറ്റക്ക് എടുത്തുകൊണ്ടു നടക്കുന്നു. കൈതിയിൽ കോൺസ്റ്റബിൾ പിടിച്ചിരിക്കുന്ന ബുള്ളറ്റിന്റെ ഭാഗം സ്കൂൾ ബാഗ് പോലെ തോളിൽ ഇട്ടു ഇതൊക്കെ എന്ത് എന്ന ഭാവത്തിൽ അദ്ദേഹം നടക്കുമ്പോൾ ആ സീൻ കൈതിയുടെ അടുത്തെങ്ങും വരുന്നില്ല എന്ന് മാത്രമല്ല 

കൊതുകിനു മരുന്നടിക്കുന്നത് പോലെ എന്ന രീതിയിൽ ട്രോളുകൾക്ക് വരെ കാരണമായി.

എന്നാൽ ടെർമിനേറ്റർ അർനോൾഡ് അണ്ണനും വളരെ കൂൾ ആയിട്ട് മുഖത്തു യാതൊരു ഭാവ വ്യത്യാസവും ഇല്ലാതെയാണ് ഇതേ രംഗത്തിൽ.

എന്നാൽ അവിടെ അത് ലോജിക് പ്രകാരം വിശ്വാസനീയമാണ്. കാരണം പുള്ളി ഒരു റോബോട്ട് ആണ്, കൂടാതെ അമ്പതോ നൂറോ കിലോ ഭാരം നിഷ്പ്രയാസം ഉയർത്താൻ കഴിയുന്ന ഒരു യന്ത്രമനുഷ്യൻ ആണെന്ന് ആദ്യമേ തന്നെ നമ്മൾക്ക് അറിയാം.

ചെയ്യുന്ന കാര്യം അതിമാനുഷികം ആണെങ്കിൽ കൂടി അതിന് കൃത്യമായ ഒരു വിശദീകരണം നൽകി സിനിമയിൽ അവതരിപ്പിച്ചാൽ കാണുന്നവർക്ക് അത് ഉൾക്കൊള്ളാൻ കഴിയും.

രാജമൗലി സിനിമകൾ ശ്രദ്ധിച്ചാൽ അദ്ദേഹം ഇത് കൃത്യമായി ചെയ്യുന്നത് കാണാം. ബാഹുബലിയിലും RRR ലും സിനിമ തുടങ്ങുമ്പോൾ തന്നെ അദ്ദേഹം കാണിക്കുന്നത് തന്റെ കഥയിലെ നായകർ സാധാരണ മനുഷ്യർ അല്ല.

അവർക്ക് അതിൽ കൂടുതൽ ശേഷിയുണ്ട്, അതിനാൽ ഇനി അങ്ങോട്ടുള്ള കഥ ഈ രീതിയിൽ വേണം കാണാൻ എന്നാണ്. 

RRR ക്ലൈമാക്സിൽ ജൂനിയർ NTR ബുള്ളറ്റ് പോലൊരു ബൈക്ക് എടുത്ത് വായുവിൽ കറക്കുന്ന രംഗം ഒക്കെയുണ്ട്, എന്നാൽ ഒരു കടുവയെ വരെ പിടിച്ചു നിർത്താൻ ശേഷിയുള്ള ആളായിട്ടാണ് അദ്ദേഹത്തിന്റെ ഇൻട്രോ.

അത്രയും ശേഷി അയാൾക്ക് ഉണ്ടെങ്കിൽ തീർച്ചയായും ഒരു ബൈക്ക് എടുത്തു എറിയാനുള്ള കരുത്ത് ഉണ്ടാവും.