അശ്വന്ത് കോക്ക് പൈസ മേടിച്ചു റിവ്യൂ പറയാൻ തുടങ്ങി എന്ന് ആരോപണങ്ങൾ കൂടി വരുന്നത് കാണാം..
കഴിഞ്ഞ ദിവസം പുള്ളിയുടെ ബ്രോമാൻസ് റിവ്യൂ പകുതി കണ്ടിട്ട് ഞാൻ സിനിമ കാണാൻ പോയി, സംഭവം എനിക്ക് ഇഷ്ടപ്പെട്ടു.
ഇഷ്ടപ്പെടും എന്ന് ഉറപ്പ് വരുത്താൻ വേണ്ടി മാത്രമാണ് റിവ്യൂ കണ്ടു നോക്കിയത്, അല്ലാതെ നല്ല സിനിമയാണോ എന്നറിയാനല്ല.
അതുപോലെ അശ്വന്ത് പോസിറ്റീവ് പറഞ്ഞ മാർക്കോ കാണാൻ ഞാൻ പോയില്ല, കാരണം അത്രയും വയലൻസ് കാണാൻ താല്പര്യമില്ല, എന്നുകരുതി അത് മോശം പടം ആകുന്നില്ല.
ഇതുപോലെ പുള്ളി നെഗറ്റീവ് പറഞ്ഞിട്ടും ഇഷ്ടമായ പല സിനിമകളും ഉണ്ട്...
ഒരു കാര്യം മനസിലാക്കുക, അയാൾ എല്ലാ സിനിമയും കണ്ടു വിലയിരുത്തി നല്ലതാണോ ചീത്തയാണോ എന്ന് സർട്ടിഫിക്കറ്റ് നൽകുന്ന ഏജൻസി ഒന്നുമല്ല. പുള്ളി പുള്ളിയുടെ അഭിപ്രായം മാത്രമാണ് പറയുന്നത്.
അതിൽ പുള്ളിയുടെ വ്യക്തിപരമായ താല്പര്യങ്ങളും കടന്നുവരും, ഇഷ്ടമില്ലാത്ത സിനിമകൾ റോസ്റ്റ് ചെയ്യും, അതൊക്കെ ഒരു എന്റർടൈൻമെന്റ് എന്നതിനപ്പുറം ഒന്നുമില്ല.
സ്വന്തം ടേസ്റ്റ് മനസിലാക്കി ജോണർ നോക്കി സിനിമ കാണാൻ പോകുക. ബ്രോമാൻസിൽ ഒരു പ്രേമമോ കിഷ്കിന്ധ കാണ്ഡമോ പ്രതീക്ഷിച്ചു പോയാൽ നിരാശയായിരിക്കും ഫലം.
കുറച്ചു ചളി കോമഡി ഒക്കെ ഇഷ്ടപ്പെടുന്ന ആളാണെങ്കിൽ ഒരുപക്ഷേ ഇഷ്ടപ്പെട്ടേക്കാം.
എന്തായാലും എനിക്ക് ഇഷ്ടപ്പെട്ടു, പടം കണ്ടിട്ട് വന്നിട്ട് പുള്ളിയുടെ റിവ്യൂ ബാക്കി കൂടി കണ്ടു. പകുതിക്ക് വച്ചു നിർത്താൻ കാരണം പുള്ളി കഥയെ പറ്റി കുറച്ചു സൂചനകൾ പറയുന്നുണ്ട് എന്നതായിരുന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ